ब्रॉडबैंड सॅटॅलाइट इंटरनेट चे फायदे/तोटे

जर तुम्ही अश्या भागात राहत आहात कि जेथे केबल इंटरनेट शक्य नाही किंवा ते अगदी कमी/तुटक प्रमाणात उपलब्ध आहे अश्या वेळेस आंतरजालावर जाण्यासाठी सॅटॅलाइट हायस्पीड इंटरनेट हा एक योग्य रस्ता आहे. सॅटॅलाइट इंटरनेट म्हणजे तुमचा कॉम्प्युटर जो डेटा आंतरजालावर पाठवतो आणि स्वीकार करतो तो एका सॅटॅलाइट द्वारे पाठवणे, ह्यालाच सॅटॅलाइट इंटरनेट म्हणतात.

तुमच्या कडे जर ब्रॉडबैंड केबल इंटरनेट असेल तर त्याचा डेटा हा केबल द्वारे पाठवला/स्वीकारला जातो पण सॅटॅलाइट इंटरनेट मध्ये त्याकरीता डिश आणि ट्रान्सरिसीवर चा वापर केला जातो त्यामुळे तुम्ही कुठेही असाल तरी तुम्हाला सॅटॅलाइट मुळे इंटरनेटची जोडणी मिळते व तुम्ही तुमचे काम विनासायास करू शकतात.

तसेच सॅटॅलाइट इंटरनेटचा स्पीड पण केबल इंटरनेट पेक्षा खूप जास्त असतो त्यामुळे एखादी फाईल इंटरनेट वरून डाउनलोड करायला केबल इंटरनेट वरून जेव्हढा वेळ लागेल त्यापेक्षा खूपच कमी वेळ सॅटॅलाइट इंटरनेट असल्यावर लागेल. भारतामध्ये ह्याची आता सुरुवात होऊन बराच अवधी लोटला आहे आणि आता तर तुम्हाला घरी सुद्धा सॅटॅलाइट इंटरनेटची जोडणी मिळू शकते.

ह्याचे जर आपण फायदे तोटे बघितले तर असे लक्षात येईल कि, सॅटॅलाइट इंटरनेट मुळे तुम्ही जर ग्रामीण भागात राहत असाल किंवा अश्या ठिकाणी आहात कि जेथे लाईट पण नाही तेथे सुद्धा तुम्हाला इंटरनेट उपलब्ध होऊ शकते, त्यामुळे तुम्ही कुठेही राहत असले तरी ह्याची जोडणी तुम्हाला मिळू शकते.

तसेच ह्याचा स्पीड आणि कायम चालू असणारे (खंडित न होता) इंटरनेट हि एक फार जमेची बाजू आहे. ह्याला तुम्हाला काहीही वेगळा खर्च येत नाही फक्त तुमचा संगणक ह्याच्या जोडणीला पूरक असावा म्हणजे झाले.

ह्याचे तोटे तसे कमी आहेत पण तरी ते सुद्धा बघणे महत्वाचे ठरेल, ब्रोडबेंड सॅटॅलाइट इंटरनेट हे संपूर्ण पणे तुमच्या घरावर लावलेली डीश आणि सॅटॅलाइट चे होणारे कम्युनिकेशन. ह्या मध्ये जोराचे वारे, वादळ, किंवा जोराचा पाऊस असेल तर इंटरनेट कम्युनिकेशन मधेय व्यत्यय येऊ शकतो पण ह्यावर पण उपाय आहेत. तुम्ही जर सिग्नल शोधणारे यंत्र लावले तर मग इंटरनेट मध्ये व्यत्यय येण्याचे प्रमाण अगदी नसल्या सारखे होते.

तसेच ह्याची जोडणी जरा केबल इंटरनेट पेक्षा जरा महाग पण असते पण ह्याचा स्पीड व बाकीची सेवा अखंडित असल्याने जोडणी महाग असू शकते.

केबल इंटरनेट किंवा ब्रॉडबैंड सॅटॅलाइट इंटरनेट घेताना कुठल्या स्पीडचे घ्यावे, जोडणी घेताना काय काळजी घ्यावी वैगेरे पुढील भागात.